Hinggil sa mga pangyayari sa Kongreso: Tuwirang panloloko sa mamamayan

02052016-House-adjourns-SSS.png

Ipinahahayag ng militanteng sentro ng unyonismo sa rehiyon, ang PAMANTIK-KMU, ang pagkadismaya nito sa mabilisang pagpatay sa SSS pension hike bill, o ang HB 5842 ni Bayan Muna Rep. Neri Colmenares.

Sa agarang pagsara ng sesyon na dapat magtatalakay at magtatanggal sa override ng veto ni BS Aquino, karamihan sa mga kongresista ang nagpakita ng kanilang pagkawalang-bahala para sa kanilang mga pinagsisilbihan.

Habang sinara nila ang pinto para sa mga pensyonadong naghahanap ng kaginhawaan mula sa nagsisitaasang presyo ng bilihin, muntik naman nilang natakasan ang pagpasa ng panukalang-batas para sa PPP – kahit na hindi sila nakakuha ng quorum. Ang PPP para sa mamamayan ay isang polisiyang puno ng bahid ng katiwalian, ang pagbubukas pa ng pagnenegosyo sa pamahalaan, ang papatinding pribaysasyon ng mga pampublikong serbisyo, at iba pa.

Nagpapasalamat kami kay Rep. Colmenares sa kanyang agarang paghain ng reklamo hinggil dito, na siyang nagpabawi sa minadaling pag-apruba nito ng Kongreso.

Ang mga nangyari sa mababang kapulungan nitong mga nakaraang araw ay siya lamang nagpapakita na karamihan sa mga mambabatas ay nagpakita ng kanilang pagkatuta sa neoliberal na polisiya ni BS Aquino at sa kanilang sariling kapritso. Lubos kaming nandidiri at nadidismaya sa ganitong mga aksyon ni BS Aquino at ng kanyang mga tuta sa mababang kapulungan.

Sa halip na unahin at tugunan ang mga karaingan ng mga manggagwa at mamamayan, pinili nilang unahin ang mga polisiyang kontra sa interes ng nakararami.

Sa tuwirang panlolokong ginawa sa atin ni Aquino at ng kanyang mga tuta sa kongreso, tiyak na wala silang matatanggap na suporta mula sa libu-libong manggagawa sa kanilang pagboto sa Mayo – kung nananatili man silang may tiwala sa pag-asang handog ng halalan. Kung ganito man, huwag na natin iboto ang mga pumatay sa SSS pension hike bill, at ang mga nagpapatuloy na yumuyurak sa ating mga karapatan at dignidad mabuhay.

Napakaraming beses nang niloko ng mga tradisyunal na pulitiko ang mga mamamayan. Inaasahan naming mas marami ang magpapakita ng pandidiri at kawalang-tiwala sa maruming sistemang elektoral.

Kaisa kami sa napakaraming naninindigan para sa kagyat na pag-override ng veto ng Pangulo sa SSS pension hike bill, at para sa mas maayos na serbisyong panlipunan. Ang ating pinag-isang lakas ay hindi masasayang kung tayo ay magpapatuloy hanggang sa tagumpay.

Patuloy nating isusulong: SSS pension hike, ngayon na! # # #

Advertisements

S. Tagalog workers compare sub-P2000 SSS pension hike compromise to “haggling at Divisoria”, urges Congress to override presidential veto

01192016-SSS-pension-increase-2.png

Workers from the Southern Tagalog region today hit President Aquino’s pitch for a P500 Social Security System (SSS) pension hike, which they termed as a “cheap, save-face haggle at Divisoria”.

This was after Aquino vetoed House Bill 5842, which proposed a P2,000 across-the-board pension increase for SSS beneficiaries, claiming that the hike will render the service fundless by 2029.

The claim has been nullified by different independent studies and from the actual study by the bill’s author, Bayan Muna Representative Neri Colmenares.

“After pitting SSS beneficiaries against SSS members, BS Aquino is now treating us workers like surplus goods, worthy of lower prices,” said Allan Bagas, secretary-general of the militant regional labor center PAMANTIK-KMU.

Bagas added that they were deeply offended by the explored compromise, as he lamented the already-sorry state of laborers in the region. Actual figures show a high turnout of contractual workers in the region, which are most likely deprived of a necessary wage and benefits, like monthly contributions to the SSS.

The labor center similarly denounced proposals for a P1,000 pension increase, saying it will still render pensioners unable to cope with their needs. According to Rep. Colmenares’ study, a P2,000 wage increase will be enough, if not able, to cover a pensioner’s daily requirements.

“It makes perfect economic sense to increase the SSS pension, as it will also empower pensioners to afford their basic needs, and may even lessen the stress they experience in their everyday tasks,” added Bagas.

He lamented the BS Aquino administration’s “determination to impoverish the people to the grave, and vainly justify the veto as a move of compassion.” He added that such a move was a show of “continuing callousness under the genuinely crooked Daang Matuwid”.

Bagas also urged Congress to override BS Aquino’s veto of the bill, “if they truly are rational public servants”.

“Even with the intense whitewash Aquino and his stalwarts are in, the people know that they will never realize inclusive growth with the true anti-worker and anti-people character of his social policies,” Bagas ended. # # #

Magkaisa at ipanawagan: P2,000 across-the-board pension hike, ngayon na!

Maugong ang balita nitong linggo: hinadlangan, o vineto ni BS Aquino ang panukalang-batas ng P2,000 pagtaas ng pensyon sa SSS, na ipinasa ni Rep. Neri Colmenares.

Napakaliit na ngang umento sa pensyon, hindi pa ipinagkaloob ni Aquino. Mas pinangatwiranan pa niya ang milyong pisong natatanggap ng pamunuan ng SSS! May pera para sa mga kaibigan at kabarilan, ngunit wala para sa mamamayan!

Labis na nagsisinungaling si Aquino: napatunayang hinding-hindi malulugi ang SSS sa dagdag-pensyon!

SSS polyeto figures.png

Mayroon pang P428 bilyon/taon ang SSS para sa reserbang maaring gamitin sa pamumuhunan! Kayang-kaya talaga ng SSS ang umento sa pensyon, ngunit ayaw lamang nito ibigay sa mga tunay na nangangailangan. Marami pang mga pag-aaral ang magpapatunay nito, na hindi masagot nila BS Aquino.

May mga iba’t ibang paraan pa upang makamit ang dagdag-pensyon, at para hindi agad malugi ang SSS. Igiit natin ang:

  • Pagpapataas ng nakukuhang koleksyon ng SSS mula sa mga miyembro. Napakababa ng 38% tantos ng koleksyon nito!
  • Parusahan ang mga kapitalistang hindi nagbibigay ng kontribusyon ng kanilang mga empleyado!
  • Gawing regular ang mga kontraktwal na manggagawa. Lalong tataas ang makokolekta nito, at masisigurado ang kinabukasan nila pagtanda.
  • Itigil na ang pagbibigay ng milyun-milyong bonus para sa pamunuan ng SSS. Ayon sa datos, halos P3 milyon ang nakukuha ng bawat isa sa kanila, noong 2014 lang!
  • Gawing matipid at episyente ang pamamalakad sa SSS.

Kayang-kaya nating igiit ito mula Kongreso, upang baligtarin ang pagbasura ni BS Aquino sa panukalang-batas; maging kulitin mismo siya upang baguhin ang kanyang desisyon! Nakita na natin ang magagawa ng ating pagkakaisa.

Paingayin pa natin sa iba’t ibang paraan ang ating mga panawagan!

  • Ibahagi sa mga pagtitipon ng mga pensioners at senior citizens ang panawagan. Huwag kalimutang itala at ilabas sa anumang paraan.
  • Sumama sa mga nakatakdang protesta at aktibidad para sa pagtataguyod nito.

SSS PENSION HIKE, NGAYON NA!
MANGGAGAWANG KONTRAKTWAL, GAWING REGULAR!
SAHOD, TRABAHO AT KARAPATAN, IPAGLABAN!

BAGONG TAON, BAGONG PAGTAAS NG MGA BAYARIN

Nagpalit na ng taon ngunit wala pa ring malinaw na resolusyon ang gubyernong Aquino para sa pagpawi ng laganap na kahirapan sa bansa. Hinahayaan pa nito na lalong maghirap ang mga Pilipino dahil sa patuloy na pagtaas ng mga bayarin at presyo ng bilihin.

Sa halip na pagpapataas ng sahod, mas mataas na singil sa mga bayarin ang regalo ni Noynoy sa manggagawang Pilipino: 

  • mula P175, magiging P200 ang babayaran ng mga PhilHealth members na may trabaho;
  • mula 10.4%, magiging 11% na ang ikakaltas sa buwanang sweldo ng mga SSS members. Ito ay katumbas ng karagdagang kaltas na P25 para sa mga kumikita ng minimum wage;
  • dagdag na P4.15 per kilowatt-hour sa singil ng Meralco; at
  • dagdag na P5 hanggang P15 sa presyo ng isang kaha ng sigarilyo.

Sabi ng gubyernong Aquino, ang pagtataas ng singil sa kontribusyon sa SSS ay dahil wala nang sapat na pondo ang ahensya para sa retirement at iba pang benefits ng mga miyembro nito. Ito ay isang malaking kasinungalingan. Ayon kay Bayan Muna Representative Neri Colmenares, ang assets at investments ng ahensya noong 2010 ay tumataginting na P345 bilyon. Bukod pa rito ang kita taon-taon na umaabot ng P21-23 bilyon at ang mga kokolektahin pa na aabot sa P8.5 bilyon. Kaya hindi kataka-taka na noong Nobyembre 2013, pumutok ang isyu na P10 milyon bonus para sa mga miyembro ng Board of Directors ng ahensya at P276 milyon bonus naman para sa mga empleyado nito. Noong 2010 ay tumanggap ng P200 milyon bonus ang mga executives ng ahensya. Patunay ito na sa tuwid na daan ni Noynoy ay walang maayos na paggastos ng kaban ng bayan at kabi-kabila ang kurapsyon.

Sa pagtataas ng singil sa kuryente, walang pangil ang gubyernong Aquino na kontrolin ang pagkagahaman ng power cartel – mga kompanyang may monopolyo sa pagsu-supply ng kuryente. Sa halip, isinisisi ng gubyerno ang walang humpay na pagtataas sa Energy Power Industry Reform Act (EPIRA) ngunit wala itong plano na ibasura ang batas. Ayon kay PAMANTIK Secretary General Wenecito Urgel, “Pinagmumukha ng gubyernong Aquino na sila ay helpless o wala nang pwedeng gawin para pigilan ang mga pagtaas. Kinukundisyon ang isip ng mga nagbabayad na tanggapin na lang ng dagdag na singil habang pinapaliit nang pinapaliit ang sahod.”

Nakaamba din ang muling pagtaas ng singil sa pamasahe dahil sa maya’t mayang pagtaas ng presyo ng produktong petrolyo. Ngayong buwan, inaasahan ang rollback na P0.40 hanggang P0.60 sa presyo ng kada litro ng diesel. Maglalaro naman sa P0.15 hanggang P0.35 ang itatapyas sa presyo ng kerosene. Bumaba ng bahagya ang presyo ngunit malayo ito sa napakataas na oil price hikes. Nitong nakaraang Disyembre, tumaas ng P1.10 hanggang P1.25 ang presyo ng kada litro ng gasolina at P0.50 hanggang P0.70 kada litro ng diesel. Hindi pa kasama dito ang mga nakaraang pagtaas sa presyo.

Ang bawat pagtaas sa presyo ng produktong petrolyo ay nakakaapekto din sa presyo ng mga pangunahing bilihin tulad ng gulay. Subalit kagaya ng singil sa kuryente, hindi ito makontrol ng gubyernong Aquino dahil naman sa Oil Deregulation Law na nagbibigay laya sa mga kompanya ng langis na magtaas ng presyo.

Natapos ang 2013 na nasa gitna ng natural na kalamidad at kalamidad ng gubyernong Aquino ang mga mamamayan. Bago at pagkatapos humagupit si Yolanda, nalantad sa buong daigdig ang pagiging incompetent o kawalan ng kakayanan at pagiging inutil ni Noynoy Aquino. Halos umabot na sa 10,000 ang bilang ng mga namatay. Ito ay dahil mas pinili ni Noynoy na ilaan ang malaking bahagi ng bilyon-bilyong pondo ng NDRRMC sa relief distribution sa halip na ipagpagawa ng evacuation centers na makakaiwas sana sa sobrang laking pinsala.

Ngayong 2014, maaari sanang magsimulang muli ang mga biktima ni Yolanda at ng gubyernong Aquino ngunit patung-patong na mga dagdag na bayarin ang sumalubong sa mga manggagawa at mamamayang Pilipino. May dalawang taon pa si Noynoy bilang pangulo. Maaari itong mangahulugan pa ng mas matitinding hagupit sa porma ng mas matataas na bayarin at mas masahol na pasahod.

Ngunit bago pa tayo lalong malugmok sa kahirapan, dapat nating lalong pagkaisahin ang ating hanay at tiyakin na maibasura ang mga dagdag na bayarin. Sa mga susunod na araw at buwan, ipinapanawagan natin na maging militante laban sa mga anti-manggagawa at anti-mamamayang hakbangin ni Noynoy Aquino.

 

LABANAN ANG MGA DAGDAG NA BAYARIN!

IBASURA ANG EPIRA LAW!

IBASURA ANG OIL DEREGULATION LAW!

MAGHIMAGSIK LABAN SA GUBYERNONG AQUINO!

ITAYO ANG PAMBANSANG INDUSTRIYA NG LANGIS AT KURYENTE!