Panagutin ang Rehimeng US-Aquino sa pagkamatay ng 44 kapulisan sa Mamasapano, Maguindanao!

Mariing kinukundena ng Pagkakaisa ng Manggagawa sa Timog Katagalugan – Kilusang Mayo Uno (PAMANTIK-KMU) ang bulagsak at hindi koordinadong kumpas ni BS Aquino sa nangyaring salpukan sa pagitan ng Philippine National Police – Special Action Force (PNP-SAF) laban sa Bangsamoro Islamic Freedom Fighters (BIFF) at Moro Islamic Liberation Front (MILF) na nagresulta sa maraming bilang ng nasawing kapulisan.

Naging maugong na balita noong Enero 25 ang nangyaring matinding salpukan sa pagitan ng PNP-SAF commandos at BIFF at MILF sa Brgy. Tukanalipao, Mamasapano, Maguindanao sa paghahanap diumano ng SAF sa dalawang malalaking terorista na sina Abdulbasit Usman at Abu Marwan. Nagmula ito sa isinasagawang operasyon ng SAF laban sa “high-value target” na nasa erya na pasimuno umano ng kabi-kabilang pagsabog na nangyayari sa Gitnang Mindanao.

Batuhan ng sisi, paglusot ni BS Aquino

Ayon kay BS Aquino, kinulang sa pakikipagkoordina ang PNP at militar sa kanya hinggil sa nasabing operasyon bilang Commander-in-Chief ng PNP. Dagdag pa niya, wala siyang kinalaman sa nangyaring kumando. Gayunman, habang pilit na inilulusot ni BS Aquino ang kanyang sarili at nagmimistulang inosente sa mga pangyayari, hindi na raw kinakailangan pang “magpaalam” sa kanya ang PNP at AFP saka-sakaling may isagawang operasyon dahil daw ‘kapag may warrant laban sa isang tao, bawat alagad ng batas ay tungkuling ipatupad ito.’

Subalit hindi maitatanggi ni BS Aquino ang koneksyon at direktang kumpas niya sa insidente sapagkat simula pa lamang ay alam na niya ang tungkol sa paghahanap at paglulunsad ng serye ng pagmamatyag sa mga target. Resulta ng kainutilan nito bilang Commander-in-Chief ng PNP ang pagkamatay ng 44 na SAF commandos at ang pagkasira muli ng usapang pangkapayapaan sa pagitan ng GPH at MILF.

Tulad ng kanyang madalas na ginagawa sa tuwing mayroong mga matitinding sakunang ipinagdadalamhati ng sambayanan, nagmamalinis si Aquino at ibinabato ang sisi sa mga mas nakabababang opisyal ng iba’t ibang ahensya sa ilalim ng kanyang panunungkulan.

Aquino, Tuta ng Dayuhan, Tuta ng Imperyalistang Kano

Walang malasakit si Aquino kahit sa mga pamilya ng mga biktima. Imbis na salubungin nito ang labi ng mga nasawing SAF, naroroon ito at nagpapakasaya sa inagurasyon ng isang dayuhang pagawaan ng sasakyan sa Laguna. Kahit kailan, mas matimbang para kay Aquino ang kanyang mga among dayuhan kaysa sa sambayanan.

Kahit ang isinagawang operasyon mismo ng mahigit 400 pwersa ng PNP-SAF na ikinamatay ng 44 kapulisan ay malinaw na nasa ilalim ng direksyon ng imperyalistang US. Matagal nang target ng US War on Terror sina Marwan at Usman, na siyang pinatungan ng halagang $7 dolyar sa kabuaan.

Sa aktwal na retrieval operations ng mga bangkay ng mga nasawing kapulisan, nailantad ang presensya ng mga sundalong Amerikano.

Labag sa batas, manapa’y isa na namang malinaw na interbensyong militar ang isinagawang pagkakasangkot, kundi man direktang pangunguna ng US, sa naganap na operasyong militar sa Maguindanao. Sa pagpapatuloy ng mga makaisang panig na kasunduang militar sa pagitan ng rehimeng Aquino at amo nitong imperyalistang US tulad ng Visiting Forces Agreement at Enhanced Defense Cooperation Agreement, tiyak na mas marami pang madugong operasyon ang pangungunahan ng mga sundalong Amerikano sa bansa, habang ipinapain at ginagawang sakripisyal na tupa ang mga sundalong Pilipino.

Kinakailangang panagutin ang utak ng bigong operasyon ng PNP-SAF na ikinamatay ng 44 kapulisan. Kung wala nang kahihiyang bumaba sa kanyang pwesto si Aquino, marapat lamang na pagkaisahin ng mamamayan ang kanilang lakas upang patalsikin na ang papet at inutil na pangulong kailanman ay hindi nagsilbi sa interes ng sambayanang Pilipino.

Papanagutin si Aquino sa madugong labanan sa Mamasapano!

Patalsikin ang papet at inutil na pangulong si Noynoy Aquino!

‘Soliman’s lavish gimmick a direct insult to the Pope’s pro-poor stance’ –PAMANTIK-KMU

Workers from all over Southern Tagalog express their complete disgust on DSWD Secretary Corazon “Dinky” Soliman’s move to hide families of street children during Pope Francis’ 5-day visit, saying this incident is “a direct insult to the Pope’s progressive thought for the poor”.
Pagkakaisa ng mga Manggagawa sa Timog Katagalugan (PAMANTIK-KMU) Secretary General Allan Bag-as slammed Soliman’s program of sending around 400 street children and their families to a lavish resort in Nasugbu, Batangas. “Even workers in Batangas cannot afford sending their families to such luxurious resorts and would rather save up for basic needs, and now we learn that the government whimsically pampers the poor just to save its face from the Pope’s criticism?” Bag-as said.
Bag-as, referring to the daily minimum wage in Southern Tagalog provinces which dwindled to a measly P255 due to the Two-Tiered Wage System, said that he does not believe this was a part of the Conditional Cash Transfer – a program of the Aquino government which was never successful in the first place in eradicating poverty among urban poor communities.
“Families of workers are the primary recipients of 4P’s – and we have never heard of any excursions to elite-owned beaches until now. What message does this give to the Filipino masses during the Pope’s visit? That poor Filipinos who flocked the streets to see the Pope are not worthy of his presence, when it was precisely the homeless for whom Pope Francis staunchly stood for?” he added.
In connection, Bag-as pointed out that the problem of poverty is caused directly by joblessness and the state policy of contractualization. This, coupled with union-busting, no benefits and hazardous working conditions prevent the majority of the Filipinos from having a better life. He stressed that around 80%-90% of the total workforce in industrial zones in Southern Tagalog are contractual workers who barely survive due to the scraps that foreign monopoly capitalists pay for their hard-earned labor.
“Soliman should be ashamed of herself for squandering government funds. How can this happen when thousands of families have never felt any government support since super-typhoons Yolanda and Ruby hit their homes? The values that Soliman impart are the real bad influence – not the poor and homeless people who get by day-by-day through honest work. Such is her character for being a lapdog of Aquino who is primarily responsible for all the anti-poor and anti-worker policies happening in our country,” Bag-as stressed.
He added that such moves further expose Aquino’s neglect for the people’s interest and only serve to infuriate Filipinos amidst unresolved cases of corruption and human rights abuse across various sectors. “We are fed up with Aquino’s lies and deceits. We are tired of this government treating the poor only as a prop to deodorize its image and ratings for the international community,” he ended. #

Pagsasabatas ng Genuine Agrarian Reform Bill, paggawad ng hustisya sa mga biktima ng Mendiola Massacre

MM

Ngayong ika-22 ng Enero, ika-28 anibersaryo na ng pagpaslang sa 13 magsasaka sa Mendiola noong 1987. Tinagurian itong Mendiola Massacre sa ilalim ni Cory Aquino – utak ng kontra-magsasakang CARP o Comprehensive Agrarian Reform Program. Halos tatlong dekada na ang lumipas ngunit hindi pa din naigagawad ang katarungan sa mga biktima.

CARP at CARPER: Lagim na hatid ng mga Aquino sa uring magsasaka

Mahigit 60% ng mambabatas na nagpasa ng CARP ay mga panginoong maylupa. Sa simula pa lang, wala ng mabuting layunin ang batas kundi ang ligal na pangangamkam ng lupa sa mga magsasaka. Taliwas ito sa layunin ng repormang agraryo na libreng pamamahagi ng lupa sa mga magsasaka at malinaw na programa para sa produksyon ng pagkain ng bansa.

Sa halos 3 dekada ng CARP at CARPER, nagsilbi ito sa mga panginoong maylupa tulad ng mga Cojuangco-Aquino, Zobel de Ayala, Yulo, Roxas, at iba pa. Sa panahon ng CARP, hindi naipamahagi ang malalawak na lupain tulad ng Hacienda Luisita ng mga Cojuangco-Aquino. Sa halip na ibigay sa mga magsasaka ang lupaing sila ang naunang nagbungkal, isa uling massacre ang naganap na pumatay sa 7 manggagawang-bukid noong 2004.

Sa halip na igawad ang hustisya sa mga biktima ng Hacienda Luisita Massacre, ipinasa ni Noynoy Aquino ang CARPER o Comprehensive Agrarian Reform Extension with Reforms. Natapos ito noong 2014 ngunit

Nananawagan pa din ng tunay na reporma sa lupa ang mga magsasaka sa Yulo King Ranch sa Palawan, Hacienda Looc sa Batangas, Hacienda Yulo sa Laguna, Bondoc Peninsula sa Quezon, at iba pang bahagi ng bansa.

Naging oportunidad din ang programa upang lalong makapangurakot ang gobyernong BS Aquino. Ang CARP at CARPER ang pinakamagastos na programa sa lupa sa buong mundo. Sa CARPER pa lang, naglustay ng P50 bilyon ang gobyernong BS Aquino. Hindi ito napakinabangan ng mga maliliit at maralitang magsasaka.

GARB: Daan para sa pambansang industriyalisasyon 

Higit na kailangan ngayon ang isang tunay na reporma sa lupa – iyong magsisilbi sa mga magsasaka at manggagawa. Makatarungan na agad na maisabatas ang GARB o Genuine Agrarian Reform Bill (House Bill 252). Kaiba sa CARP at CARPER ng mga Aquino, malinaw na nakasaad sa GARB kung papano maipapamahagi ang mga lupain sa mga magsasaka sa loob ng 3-5 taon. Malinaw din ang programa kung papano tutulungan ang mga magsasaka sa pagpapaunlad ng sistema ng pagsasaka. Mahalaga ito sa pagtitiyak na ang bansa ay umaasa sa sarili sa pagluluwal ng pagkain para sa mamamayang Pilipino.

Mahalaga din ang GARB sa pagpapatupad ng pambansang industriyalisasyon na inaasam ng mga manggagawa. Siguradong magagamit ang mga murang hilaw na materyales sa pagtatayo ng mga batayang industriya tulad ng manupaktura ng pagkain at gamot. Sa ganitong kaayusan, mahigpit na nagkakatulungan ang uring magsasaka at manggagawa sa pagpapahusay ng agrikultura at pag-aangat ng pang-ekonomiyang kalagayan ng bawat pamilyang Pilipino.

Ang pagsasabatas at pagpapatupad ng GARB ay pagbibigay ng hustisya sa buhay ng mga magsasaka at mamamayan na inagaw ng gobyernong nagsisilbi sa iilan. Higit sa lahat, ang tunay na reporma sa lupa ay isang pamamaraan upang kilalanin ang mga magsasaka at manggagawa na may karapatang mabuhay ng may dangal at magpasya sa sariling bayan.

KATARUNGAN SA MGA BIKTIMA NG MENDIOLA MASSACRE!

IPAGLABAN ANG TUNAY NA REPORMA SA LUPA! 

ISABATAS ANG GARB!

PATALSIKIN SI NOYNOY AQUINO!

Photo from juanrepublic.tumblr.com

Pope Francis: Alamin ang Hindi Makataong Kalagayan ng mga Manggagawa

Pope Tarp

“Trade unions have been an essential force for social change, without which a semblance of a decent and humane society is impossible under capitalism.” 

  ~Pope Francis (Jorge Mario Bergoglio)

Napakababang sahod at laganap na kontraktwalisasyon ang pumipigil sa mga manggagawa na makapamuhay nang disente at may dangal.

Aabot sa 80-90% ngayon ng kabuuang bilang ng lakas-paggawa sa mga special economic zones ay mga kontraktwal – pinagkakaitan ng benepisyo, tinatanggalan ng karapatang mag-unyon, at mababa sa minimum na pasahod dahil sa Two-Tiered Wage System (TTWS).

Mas mababang sahod, hindi regularisasyon

Ang TTWS ay patakaran ng gobyerno na unang ipinatupad sa Timog Katagalugan noong 2013. Mula sa minimum wage na P315 sa rehiyon at P446 sa NCR, bumaba pa sa P255 ang sahod na pangunahing apektado ay mga kontraktwal. Napakalayo nito sa P1,200 daily cost of living na itinakda ng NEDA noong 2009.

Noong 2011, ipinangako ng gobyerno ang pagreregularisa sa mga kontraktwal matapos ang anim (6) na buwan nilang pagtatatrabaho. Ipinatupad ang Department Order 18-A Series of 2011 subalit lalo nitong pinalala ang kontraktwalisasyon. Hanggang ngayon, walang nareregular bagkus ay mga natatanggal pa nga bago pa man ang end of contract.

Ang Bangko Sentral ng Pilipinas Circular No. 268, mga kautusan ng Civil Service Commission, Executive Order 366, Labor Code, at Herrera Law ay mga patakaran din na nagliligalisa ng kontraktwalisasyon.

Pagdurog sa unyon, pagpanig sa mga kapitalista

Sa Timog Katagalugan, may mga kontraktwal na nareregularisa tulad sa Asia Brewery, Daiwa Seiko Philippines, at Honda Cars. Ngunit ito ay dahil sa pagsisikap ng mga tunay, palaban, at anti-imperyalistang unyon. Sa halip na igalang ang karapatan sa pag-uunyon, pagdurog pa nga sa mga ito ang hakbang ng mga kapitalista sa pamamagitan ng illegal closure.

Nitong 2014, 3,600 manggagawa ng Carina Apparel, Inc. at 2,600 manggagawa ng Hoya Glass Disk Philippines ang agad nawalan ng trabaho dahil sa biglaang pagsasara. Nalulugi diumano ngunit ang lumalabas, ayaw harapin sa CBA ang unyon o ayaw kilalanin ang itinatayong unyon. Kabilang din sa mga iligal na nagsara ay FreshTex at Nidec Copal.

Hanggang sa ngayon, walang hustisyang nakakamit ang mga biktima dahil walang pangil ang mga ahensya ng gobyerno upang gawing responsable ang mga kapitalista. Ang NCMB, NLRC, at DOLE halimbawa ay walang programa para sa pagreregularisa at pagpapahusay ng kalagayan ng mga manggagawa. Ang wage boards naman ay walang silbi sa pagpapataas ng sahod.

P16,000 national minimum wage, immediate economic relief

Sa loob ng nakaraang limang taon, lalong naging mahirap ang buhay para sa maraming manggagawa. Tumindi ang kaayusang umuuwi at kumakain mula sa kakarampot na pasahod ang mga manggagawa upang kinabukasan ay muli na namang lumikha ng tubo para sa kapitalista. Idagdag pa dito ang maya’t mayang pagtaas ng pamasahe dahil sa pagtaas ng presyo ng langis, pagtaas ng presyo ng mga pangunahing bilihin, at pagsasapribado ng mga pampublikong yutilidad at serbisyo.

Sa ganitong hindi maampat na hindi makataong kalagayan, nararapat lamang na kilalanin ng gobyerno ang panawagan ng mga manggaagawa sa pampribado at pampublikong sektor na ipatupad ang P16,000 national minimum wage.

Kung ang ganitong kalagayan ng mga manggawa ay malalaman ni Pope Francis, siguradong makikiisa sya sa panawagang ipagbawala ang kontraktwalisasyon at ipatupad ang national minimum wage.

Salubong sa Bagong Taon: Muling Pagtaas ng Presyo ng Serbisyo, Bagsak na Sahod

/home/wpcom/public_html/wp-content/blogs.dir/703/8562260/files/2015/01/img_2269.jpg

Ipinapaabot ng Pagkakaisa ng Manggagawa sa Timog Katagalugan – Kilusang Mayo Uno (PAMANTIK-KMU) ang matinding pagkadismaya at pagtutol nito sa muli na namang pagtataas ng singil sa mga pangunahing serbisyo gaya ng pasahe sa mga pampublikong transportasyon at singil sa tubig at kuryente.

 Isang linggo pa lamang ang itinatagal ng pagpasok ng panibagong taon subalit kabi-kabilang dagok na agad ang kinakaharap ng mga manggagawa at mamamayan. Noong ika-20 ng Disyembre ng nagdaang taon, ipinasa ng Department of Transportation and Communications (DOTC) ang Department Order No. 2014-014 kung saan itinataas ang singil ng pasahe sa 3 sa mga mayor na pampublikong transportasyon, ang Light Rail Transit (LRT) 1 at 2, at Metro Rail Transit (MRT) 3. Ayon sa DOTC, nilalayon ng pagtataas na ito na suportahan ang pagpapabuti at pagsasaayos ng MRT at LRT.

Sinimulang ipatupad ang karagdagang singil na ito nitong ika-4 ng Enero ngayong taon. Umani ito ng samu’t sari at malawakang pagbatikos mula sa mga manggagawa at mamamayan na direktang apektado ng pagtataas ng singil sa pamasahe. Batay sa bagong latag ng pamasahe, papatak sa P10 hanggang P15 ang dagdag na singil sa kada istasyon ng MRT at LRT—na katumbas ng 50% hanggang 100% pagtataas ng pamasahe.

Samantala, hindi lamang ang mga pasahero ng MRT at LRT ang apektado ng dagdag singil sa pasahe. Maging ang mga regular na pasahero ng Philippine National Railways (PNR), makararanas ng karagdagang singil sa kanilang pamasahe. Direktang apektado ang mga manggagawa at mamamayan ng Timog Katagalugan sa pagtataas na ito ng PNR dahil tumatagos ang ruta ng linya ng transportasyong ito mula NCR hanggang CALABARZON. Daragdagan ng P5 ang dating P10 kada 7 kilometro ang pamasahe sa PNR.

Hindi lamang sa transportasyon daranasin ng mga manggagawa at mamamayan ang patong singil sa kanilang pangunahing pangangailangan sa araw-araw. Inaprubahan ng Energy Regulatory Commission ang 4 na sentimong dagdag kada kilowatt hour na konsumo sa kuryenteng ipinasa ng Manila Electric Company (MERALCO).

Magtataas naman ng P1.92 per cubic meter (cu. m) ang Manila Water Co. (MWC) at P2.30/cu. m ang Maynilad Water Services, Inc. (MWS) para sa mga kumokonsumo ng 30cu. m pataas. Kada buwan makararanas ang mga konsumer ng P10 hanggang P20 dagdag singil sa tubig.

P16,000 national minimum wage, sigaw ng mga manggagawa

Para mairaos at makasabay sa kabi-kabilang pagtataas ng singil at presyo ng pangunahing mga pangangailangan, malaki ang maitutulong kung mapapagtagumpayang maipasa ang P16,000 national minimum wage na isinusulong ng mga manggagawa sa pribado at pampublikong sektor. Subalit nananatiling bingi ang administrasyon kasapakat ang mga ahensya ng gobyernong nakatalaga sa paggawa gaya ng DoLE na dinggin ang hiling ng mga manggagawa.

Noong nakaraang taon, batay sa nakabubuhay na sahod o daily living wage, ipinapanawagan ng mga manggagawa ang P16,000 bilang national minimum wage—agaran at mas malapit-lapit sa tunay na nakabubuhay na sahod para sa mga manggagawa at kanilang mga pamilya.

Nananatiling nakapako sa napakababang sahod ang tinatanggap ng mga manggagawa sa Timog Katagalugan na mas pinasasahol pa ng Two-Tiered Wage Scheme (TTWS).

Burukrata Kapitalismo, pangunahing dahilan ng pagtataas ng singil

Sa burukrata kapitalismo, ginagawang negosyo ng mga opisyal ng pamahalaan ang paggu-gobyerno, sa isang banda ang pangingikil sa mamamayan sa pamamagitan ng iresponsableng pagtataas ng singil sa mga pangunahing serbisyong panlipunan. Tahasang kinakasangkapan ng rehimeng US-BS Aquino ang matinding pangangailangan ng mamamayan sa mga serbisyong ito bilang pangunahing pagkukunan ng pagkakakitaan ng administrasyon.

Habang malalaking bilang ng mamamayan ang nagrerehistro ng kanilang disgusto, sunud-sunod naman ang paglalabas ng pahayag ng Malakanyang na pinaninindigan ang diumano kawastuhan at pangangailangan ng mga pagtataas na ito. Anila, maliit na porsyento lamang naman daw ng mamamayan ang apektado ng pagtataas na ito at maraming alternatibang maipapalit.

Hindi binibigyang halaga ng rehimeng US-Aquino ang mga mamamayan nito dahil tanging sariling interes at interes ng imperyalismong US ang inaalagaan at inuuna nito. Tanging ang pinagsama-samang lakas ng mga manggagawa at mamamayan ang tunay na pagmumulan ng tagumpay upang makamit ang batayang karapatan at kagalingan ng lahat. Ang pakikibaka para sa pambansang industriya na para sa interes ng nakararami ang tuwirang mag-aahon sa buhay at kabuhayan ng manggagawa at mamamayan.

MRT, LRT, at PNR Fare Price Hikes, Tutulan, Labanan!

No to Water and Electricity Price Increases!

Isulong ang Pambansang Industriyalisasyon!

Burukrata Kapitalismo, Ibagsak!

Imperyalismo, Ibagsak!

6 lies and fallacies on the LRT/MRT fare hike

Teddy Casiño

/home/wpcom/public_html/wp-content/blogs.dir/703/8562260/files/2015/01/img_2269.jpg

Yesterday, the government pushed through with its plan to increase the fares in LRT lines 1, 2 and MRT line 3 by as much as 50%, 66% and 87%, respectively. The fare hike was done treacherously while everyone’s attention was on the yuletide season and all agencies that commuters could possibly go to for relief (the Courts) were closed for vacation.

Yesterday, several groups and individuals, myself included, filed with the Supreme Court a petition to stop the fare hike.

Here are six lies and fallacies that the Aquino government is trying to foist about the LRT/MRT fare hike:

1. The fare hike is needed to rehabilitate and upgrade the LRT and MRT train systems.

This is a lie. In fact, the 2015 budget recently signed by Pres. Aquino already includes a P7.4-billion allocation for the rehabilitation of the MRT, and another P4.65 billion for its subsidy. Aside from this…

View original post 931 more words