‘Huwag niyo kaming paglaruan!’ – PAMANTIK kay Aquino sa P0.013 rolbak ng MERALCO

MERALCO rollback not enough

“Huwag niyo kaming paglaruan!” Ito ang sabi ni Wenecito Urgel, Pangalahatang Kalihim ng Pagkakaisa ng Manggagawa sa Timog Katagalugan-Kilusang Mayo Uno (PAMANTIK-KMU), sa rehimeng Aquino matapos ang P0.13/kwh rolbak sa singil ng Manila Electric Company (MERALCO).

 “Matapos itaas ng MERALCO ng P4.15/kwh ang singil nito sa kuryente, sang-ayon sa kanyang nakaplanong 3-yugto ng pagtataas ng singil, tila planado ding inirolbak ito nang P0.013/kwh kahapon upang pahupain ang pag-alma ng mamamayan.”

 “Mabilis pa sa kidlat kung aprubahan ang mga pagtaas ng singil na inihahain ng mga pribadong kumpanya, tulad ng MERALCO—ito pa rin ang matingkad sa ilalim ng rehimeng US-Aquino. Hindi na nito kayang pigilan at pagtakpan ang pagkasuklam ng mamamayan sa kanyang panunungkulan dahil sa sunod-sunod na pagtaas ng mga bayarin at presyo ng mga bilihin.” Ani Urgel.

 Nakatakdang mag-expire ang TRO sa pagtaas ng singil ng MERALCO sa Pebrero 23. Sa kabilang banda, naghain ng extension ng nasabing TRO ang mga progresibong grupo, kabilang ang Kilusang Mayo Uno.

 “Walang saysay ang isang sentimong rolbak. Insulto lamang ito sa milyon milyong Pilipino na hindi na magkaugaga dahil sa taas ng presyo ng mga bayarin, habang nakapako ang sahod ng mga manggagawang Pilipino. Sa loob ng mahabang panahon, ipinapasa ng MERALCO ang pasanin sa mga konsyumer nito dahil pinahihintulutan ito ni Aquino. Ito na rin mismo ang dahilan kung bakit walang pag-aalangang bumibili ito ng suplay ng kuryente sa malaking na halaga—dahil itong bawiin mula sa singil sa mga konsyumer. Samantala, walang tigil ang pagbubulsa ng dambuhalang tubo ng ganid na kumpanyang ito.” Paliwanag  ni Urgel.

 Umabot sa P16.3 bilyon ang tinubo ng kumpanya noong 2012. Target naman nitong kumita ng P17 bilyon ngayong taon. Sa nagdaang anim na taon, lumobo ng halos 60% ang taunang kita nito. Ang MERALCO ang may pinakamalaking tubo sa lahat ng mga kumpanya sa bansa dahil malaya itong magtaas ng singil anumang oras, sang-ayon sa Electric Power Industry Reform Act of 2001 o R.A. 9136 (EPIRA).

 “Tuloy-tuloy ang pagkilos ng mga manggagawa at mamamayan upang maibasura ang EPIRA, at maipakitang hindi kailanman magpapalinlang ang sambayanan sa dilaw na propagandang hatid ng rehimeng US-Aquino.” Pagtatapos ni Urgel.###

(Photo grabbed from http://www.philstar.com)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s